Analisi d’os datos oficials de glifosato y AMPA en auguas espanyolas en os anyos 2021 y 2022

[Informe] Nadando en glifosato

A las puertas que Espanya vote si quieren enfrontinar a la suya población y naturaleza a atros 10 anyos mas de glifosato (substancia activa d’herbicidas como lo Roundup), las analisis oficials d’as masas d’augua espanyolas charran claro: en 2022 lo 34,6 % d’as auguas superficials espanyolas yeran contaminadas per glifosato en una concentración que incumple la norma de calidat ambiental. Per lo que fa a l’AMPA, prencipal toxico chenerau en a degradación d’o glifosato, lo 13,7 % d’os puntos de muestreyo yeran contaminaus. Respective a las auguas subterranias, sosprende la escasez d’analiticas oficials realizadas, un 96% menos que en as auguas superficials.

Datos detallaus, elaboraus per Ecolochistas en Acción, permiten conoixer que en 2021 lo glifosato yera present en o 29 % d’as analiticas oficials realizadas, y un 21 % d’as mesmas incompliban la norma de calidat.

Lo río Guadiana tiene la dudosa honor d’haber dau lo pior dato de contaminación d’Espanya: 308,10 microgramos de glifosato per litro, 3.000 vegadas superior a lo que permite la lei. En 2021, las cuencas con un mayor numero d’estacions en risgo per contaminación per glifosato yeran andaluzas: las cuencas mediterranias andaluzas, de Gaudalete-Barbate y Tinto, Odiel y Piedras; seguidas per lo Tajo, Júcar y Guadiana. En 2022, primer anyo en que realizoron analiticas, las cuencas internas catalanas puyoron a lo primer puesto en numero de puntos en risgo de contaminación per este herbicida.

Con o glifosato, Espanya incumple la normativa de plaguicidas: incumple los limites de contaminación y no busca las alternativas a las cualas obliga la chestión integrada de plagas. Ye per ixo que las vendas de l’herbicida haigan aumentau un 76 % en 10 anyos, plegando a mas de 13 millons de kg en 2020.

Daus estes preocupants datos de contaminación d’as masas d’augua espanyolas per glifosato, Ecolochistas en Acción pide a lo Gubierno que s’opose a la renovación de l’autorización d’o glifosato en a Unión Europea, per la millora d’o meyo ambient y la salut humana.

La entrada Analisi d’os datos oficials de glifosato y AMPA en auguas espanyolas en os anyos 2021 y 2022 aparece primero en Ecologistas en Acción.