Denuncian que continúan as verteduras de augas de refugallo sen depurar no Concello de O Pino

Ecoloxistas en Acción denuncia que o Concello de O Pino (A Coruña) a pesares de ter sido sancionado continúa a verter augas de refugallo sen tratar ao regato do Burgo.
A organización ecoloxista insto a Augas de Galicia a adoptar as medidas necesarias para que o Concello de O Pino remedie esta situación sen máis demora. Tamén solicitou que se indague o alcance da contaminación destas verteduras, xa que o regato contaminado é tributo da cunca do río Ulla.

O Concello do Pino foi sancianado no ano 2020 por verteduras de augas de refugallo sen depurar ao dominio hidraúlico público cunha multa que ascendía a 5.000 €. As verteduras proceden do propia rede de saneamento municipal que rematan vertendo mediante canalización directamente ao rego do Burgo. A canalización que verte a dito regato procede dunhas instalación municipais que aparentemente únicamente fragmentan o caudal sólido dos refugallos.

En marzo deste ano veciños do Pino xunto con membros de Ecoloxistas en Acción visitaron en reiterdas ocasións os lugares onde se producen as verteduras sancionadas o ano pasado. Mediante inspección ocular púdose comprobar que as verteduras se seguén producendo sistemáticamente e que o Concello do Pino non fixo absolutamente nada para remediar esta contaminación do dominio hidraúlico público.

Os puntos inspeccionados están ubicados na avenida da Casilla s/n, Pedrouzo (O Pino) (Coordenadas: 42°54’02.1″N 8°22’15.1″W) e preto da rúa do Picón.

Estas verteduras de augas residuais provoca efectos moi negativos sobre o medio ambiente e a saúde humana, provocando cambios substanciais nas características da auga e, polo tanto, na súa función ecolóxica e nos seus usos. Esta contaminación afecta directamente á parte máis superficial e máis próxima da costa, a máis empregada para actividades humanas.

As augas residuais sen tratar reducen a cantidade de osíxeno e afectan á proporción de nutrintes, provocando un crecemento excesivo de algas e outras prantas, o que afecta negativamente á fauna e flora do ecosistema acuático no que se verten. Como resultado, prodúcese un impacto moi negativo sobre o valioso ecosistema fluvial.

Ademais, existe o perigo de propagación de substancias tóxicas e/ou patóxenos contidos nestas augas, procedentes principalmente do tractos intestinais, que poden provocar a transmisión de enfermidades. Non debemos esquecer que este regato é tributo da cunca do río Ulla e que a auga segue un ciclo, polo que os contaminantes que se verten neste regato, ademais de pasar a formar parte das cadeas tróficas, poden volver aos cursos da auga doce dos que se abastece a poboación.

“A depuración de augas de refugalllo non pode seguir sendo asignatura pendente de Galicia” – declara Cristóbal López, voceiro de Ecoloxistas en Acción – “A Xunta de Galicia non pode permitir que continúen estes focos de contaminación ao dominio hidraúlico público”.