O glifosato contamina as augas superficiais e subterráneas

• Ecoloxistas en Acción publica unha investigación que analiza os datos dos Organismos de Cunca desde 2015 ata 2019.
• A organización ecoloxista confirma a presenza do herbicida glifosato en todas as augas superficiais e subterráneas do Estado español.
• No 31 % das mostras de augas superficiais detectouse a presenza de  glifosato, porcentaxe que sobe ata o 42 % para o seu  metabolito  AMPA. Respecto a as augas subterráneas, detectáronse ambas as substancias nun 11 % e un 0,3 % das analíticas.
• Nalgúns casos a concentración de glifosato é centenares de veces superior aos valores límite legais.

[Informe] Contaminación por glifosato en el medio acuático

Ecoloxistas en Acción analiza a presenza do herbicida  glifosato e o seu  metabolito de degradación  AMPA nas augas superficiais e subterráneas das demarcacións hidrográficas españolas durante o período 2015-2019. Os resultados conclúen que o  glifosato contamina o medio acuático e que é necesaria a súa prohibición.

Os datos, proporcionados polo Ministerio para a Transición Ecolóxica e o Reto Demográfico (MITERD) en resposta a unha petición ambiental formulada por Ecoloxistas en Acción, mostran a elevada presenza de  glifosato e  AMPA en todas as demarcacións hidrográficas nas que se realizaron análises de control destes dous contaminantes.

O  glifosato foi detectado no 31% das augas superficiais. O valor límite de 0,1 μg/l, establecido como referencia de acordo á Guía para a Avaliación do Estado das Augas, superouse nun 22 % das mostras. En canto ao  AMPA, detectouse nun 42 % das mostras e o seu valor de referencia de 1,6 μg/l superouse nun 17 % de mostras.

Respecto ás augas subterráneas, nun 11 % e un 0,3 % das analíticas detectáronse respectivamente glifosato e AMPA, mentres que un 7 % e un 0,3 % das mostras analizadas han superado o valor límite que establece a Directiva de Augas Subterráneas.

Algunhas das superacións dos valores límite poden ser clasificadas como de extremada preocupación por detectarse concentracións do praguicida centenares de veces superiores aos valores de referencia.

Á luz da elevada contaminación do medio acuático, Ecoloxistas en Acción recomenda ao  MITERD e ao Ministerio de Agricultura, Pesca e Alimentación:

• Que retire a autorización a aqueles praguicidas de uso agrario que conteñan  glifosato.
• Que redacte normas de mostraxe e análise de praguicidas en augas superficiais e subterráneas para que a información sexa completa,  desagregada por territorios e comparable en canto a número de puntos de mostraxe e periodicidade das mostras.

 

La entrada O glifosato contamina as augas superficiais e subterráneas aparece primero en Ecologistas en Acción.